La guardia da costa taliana ha purtà en segirtad 450 fugitivs en ina bartga da lain sin la Mar Mediterrana. Els sajan uss sin bastiments da las autoritads. Quai rapporta l’agentura da novitads ANSA. Dentant na sajan ils fugitivs anc betg vegnids transportads en in port. Ni l’Italia ni la Malta èn numnadamain pronts da prender si els. Ils dus stadis n’èn betg perina tgi ch’è responsabel per ils fugitivs.
La regenza taliana che vegn timunada dal moviment populistic «5 Stelle» e da la Lega persequitescha ina politica da migraziun stricta.
RR novitads 10:00