Dapi oz è il parc da vent «Global Tech I» en la Mar dal Nord en funcziun. El cumpiglia 80 rodas da vent e sa chatta passa 140 kilometers davent dad Emden en la Frislanda da l'Ost. Participà vid quel è era il concern d'energia svizzer Axpo.
Ils gestiunaris numnan l'implant in project da piunier. Uschè lunsch davent da la costa n'aveva anc nagin bajegià. L'implant è vegnì construì sin ina surfatscha da 41 kilometers quadrat, quai che correspunda a la surfatscha da la citad da Son Gagl.
Global Tech I po producir fin a 400 megawatt forza electrica, che tanscha per passa in mez milliun chasadas.
