Siglir tar il cuntegn

Exteriur Nov incendi da guaud en la California

Il fieu ha destruì gia 10'000 hectaras guaud e la via da transit dal Canada en il Mexico è serrada pervi da las flommas.

fim sur il guaud.
Legenda: Gia durant la stad hai dà divers incendis da guaud en la California. Keystone

En la California arda danovamain il guaud. L'uschenumnà fieu da delta en il nord dal stadi federativ haja destruì gia fin 10'000 hectaras terren, quai communitgeschan las autoritads localas. La via da transit dal Canada en il Mexico è serrada pervi da la flommas.

L'incendi è rut ora la mesemna radund 240 km en il nord da Sacramento. Las autoritads supponan ch'insatgi ha dà fieu. Questa stad hai dà en la California plirs incendis da guaud, tranter auter in dals pli grevs en l'istorgia dal stadi en il vest dals Stadis Unids.

RR novitads 09:00