Siglir tar il cuntegn
Inhalt

Exteriur Nov medicament da malaria autorisà

En ils Stadis Unids han las autoritads suenter 60 onns puspè dà liber in medicament da malaria. Il medicament possia gidar cunter la derasaziun da malaria en l'America dal sid e l'Asia, scriva il producent dal medicament.

Purtret d'in muschin da malaria.
Legenda: Suenter 60 onns datti puspè speranza grazia ad in medicament da malaria che pudess sragischar la malsogna. Keystone

I saja l'emprim medicament cunter malaria dapi 60 onns, scriva il producent Glaxo Smith Kline. Scienziads discurran d'in grond pass. Il medicament procuria che la malsogna na returnia betg. Ils parasits pon numnadamain ruassar en il dir e laschar rumper ora la malsogna pir suenter intgins onns.

La malaria vegn activada entras parasits che mustgins transportan entras piztgadas. Mintg’onn moran sin l'entir mund var 400'000 persunas vid la malsogna.

RR novitads 10:00