Siglir tar il cuntegn

Exteriur Nov onns e mez praschun per anteriur president brasilian

En la Brasilia ha ina dretgira sentenzià l’anteriur president Luiz Inácio Lula da Silva pervi da corrupziun. El po far recurs cunter la sentenzia.

Politicher brasilian
Legenda: Lula da Silva po far recurs cunter la sentenzia. Keystone

Tenor la dretgira ha il concern da construcziun OAS renovà in appartament luxurius per l’anteriur president. Persuenter haja lez procurà ch’il concern da construcziun survegnia incumbensas dal concern dad ieli statal Petrobras.

Lula refusescha tut las renfatschas e snega da posseder quest appartament. El po far recurs cunter questa sentenzia ed è perquai anc en libertad.

RR novitads 21:00