Siglir tar il cuntegn

Header

Htin Kyaw, il nov president dal stadi Myanmar en il sidost da l'Asia.
Legenda: Htin Kyaw, il nov president dal stadi Myanmar en il sidost da l'Asia. Keystone
cuntegn

Exteriur Nov president dal Myanmar saramentà

En il Myanmar è l’econom Htin Kyaw vegnì saramentà sco emprim president civil dapi 50 onns. La ceremonia è stada en il parlament da la chapitala Naypyidaw.

Il nov president Kyaw vala sco confidà da la purtadra dal premi nobel, l’activista Aung San Suu Kyi. Uschia sminan ils experts che Kyaw vegnia a manar las fatschentas tenor las ordinaziuns da San Suu Kyi, che na po tenor la constituziun betg daventar presidenta.

Il Myanmar - avant Burma - era fin il 2011 ina dictatura militara. Ils ultims onns han militars en civil manà il pajais.

RR novitads 08:00

sda/dpa/alb

Artitgels legì il pli savens

Nach links scrollen Nach rechts scrollen