Siglir tar il cuntegn

Header

cuntegn

Nov rapport da la Unicef Quasi mintga segund uffant periclità fitg da la midada dal clima

  • Bunamain mintga segund uffant sin quest mund è tenor l’Unicef «periclità extrem ferm» dals effects da la midada dal clima.
  • Pertutgads sajan radund ina milliarda, da total 2,2 milliardas buobas e buobs, hai num en l’index da ristgs dal clima per uffants.
  • I sa tracta da l’emprim tal rapport, che l’Ovra d’agid per uffants da las Naziuns Unidas publitgescha en questa furma.

Tar ils privels en connex cun la midada dal clima s'audan tenor il rapport da l’Unicef, tranter auter inundaziuns, ferma impestaziun da l'aria, undas da chalira u malsognas che vegnan transportadas d'insects.

video
Archiv SRF: Unicef avertescha, l'emprender patescha era da corona
Or da Tagesschau dals 03.03.2021.
laschar ir. Durada: 1 minuta 49 Secundas.

Ultra da quai saja bunamain mintga uffant periclità d’in dals privels principals, han ils responsabels da l’Unicef declerà cun publitgar il rapport. Quel cumpara en connex cun la chauma dal clima ch’è trais onns veglia.

Tar ina conferenza da medias ha l’activista svedaisa Greta Thunberg pretendì in’ulteriura giada dals politichers sin l’entir mund d’agir. L’index mussia ch’uffants sajan pertutgads ferm da la crisa dal clima, malgrà ch’els s’empossian da quest svilup. «Nus n’essan dentant betg mo unfrendas, nus manain era il cumbat cunter la crisa», ha ditg Thunberg. «Dentant nus duvrain voss agid».

Tutgà il pli ferm èn uffants da la Republica Centralafricana, en il Tschad, en la Nigeria, en la Guinea ed en la Guinea-Bissau. La Sviza è en l’index dals pajais ils pli fitg pertutgads, sin rang 147 da 163.

RTR novitads 06:00

Artitgels legids il pli savens