Siglir tar il cuntegn

Header

Navigaziun

Devastaziuns suenter terratrembel dals 28 da settember.
Legenda: In nov terratrembel da la fermezza 5,2 ha fatg tema als abitants da Sulawesi. Keystone
cuntegn

Exteriur Nov terratrembel a Sulawesi

Sin l'insla da l'Indonesia ha in nov terratrembel derasà panica il mardi a bun'ura. Rapports davart novs donns na datti dentant betg.

In nov terratrembel ha tementà ils abitants da l'insla Sulawesi en l'Indonesia. Il terratrembel da la fermezza 5,2 haja distatgà panica, i dettia dentant nagins novs donns ha ditg il pledader da l'autoritad naziunala per la protecziun da catastrofas. La stremblida saja stada da sentir cleramain durant radund 5 secundas. L'epicenter dal terratrembel è vegnì registrà en il nordost da Sulawesi var 10 km en il profund.

Suenter il terratrembel da la fermezza 7,4 ed il tsunami dals 28 da settember è il dumber uffizial da mort fin uss sin 1948. Sulet en la citad da Palu n'è il destin da circa 5'000 umans anc betg sclerì.

RR novitads 06:00