Las stremblidas sajan stadas da sentir er a Denpasar, la pli gronda citad da Bali ed ils lieus turistics da l'inla. Rapports davart unfrendas u donns na datti anc nagins, rapportan las autoritads. In tsunami na vegnia il terratrembel segir betg a chaschunar.
Er a Papua Neuguinea è il terratrembel stà da sentir. Qua cun ina fermezza da 7,0. En in conturn da 300 kilometers aveva il stadi l'emprim dà ora in avertiment da tsunami. Entant è quel vegnì abolì. Gist avant e suenter il terratrembel hai dà terratrembels anteriurs e posteriurs da la fermezza da fin 6,2.
Dacurt è l'insla Sulawesi vegnida stremblida
Ils 28 da settember hai dà in terratrembel da 7,5 sin l'insla indonesa Sulawesi. Silsuenter hai dà in tsunami che ha devastà l'insla. Tar la catastrofa èn almain 2'000 persunas mortas. Radund 5'000 persunas èn anc adina sparidas en las ruinas.
RR novitads 06:00
