Kelly Knight Craft ha 56 onns ed è actualmain ambassadura en il Canada. Ella haja represchentà excellentamain ils Stadis Unids, ha president Trump declerà. Plinavant n'haja el nagins dubis ch'ella vegnia a represchentar il pajais sin il pli aut nivel pussaivel.
La nominaziun è stada necessaria, perquai che Heather Nauert aveva surprendentamain retratg sia candidatura per motivs famigliars. Critichers avevan renfatschà ad ella d’avair memia pauc experientscha en la politica exteriura. President Trump aveva nominà Nauert sco successura da Nikki Haley ch’aveva annunzià sia demissiun l’atun passà.
RR novitads 09:00