Siglir tar il cuntegn
Inhalt

Exteriur Nova attatga da hackers sin Facebook

Bunamain 50 milliuns utilisaders da Facebook ston quintar cun effects anc betg clers pervi d'ina attatga.

Telefonin cun avert la app da Facebook.
Legenda: Nova attatga da hackers sin Facebook. 50 milliuns utilisaders pudessan esser pertutgads. Keystone

Els hajan scuvrì l'attatga il mardi ed entant serrà la fora da segirtad, scriva Facebook. Sch'ils attatgaders hajan propi survegnì access ad infurmaziuns dals contos da Facebook pertutgads n'hajan els anc betg pudì sclerir dal tut. Vitiers menziunescha Facebook ch'els hajan infurmà las autoritads sur da l'attatga da hackers.

L'attatga è succedida en in temp fitg disfavuraivel per Facebook. Anc adina ha l'interpresa numnadamain da cumbatter cun las consequenzas dal scandal da datas enturn Cambridge Analytica. Ultra da quai emprova Facebook actualmain cun grondas stentas da segirar la plattafurma avant las elecziuns dal congress en ils Stadis Unids.

RR novitads 20:00