Exteriur - Nova chauma tar la Lufthansa smanatscha
En la Germania dastgan ils pilots da la Lufthansa puspè far chauma. Il sindicat da pilots Cockpit ha interrut ils discurs cun la Lufthansa davart il conflict da tariffa.
Sco il sindicat Cockpit scriva, n’enconuschia la Lufthansa betg ils interess elementars dals pilots. In termin per ina nova chauma n'è anc betg enconuschent.
I fiss la 13avla chauma aifer 1 onn
Dapi la primavaira 2014 han ils pilots da la Lufthansa fatg chauma 12 giadas. En il conflict da tariffa vai cunzunt per las rentas da 5’400 pilots che vulan sa laschar pensiunar pli baud.
