Quai vala sco grond success politic per il primminister Matteo Renzi. Ils pli blers represchentants da l'opposiziun n'èn betg sa participads a la votaziun finala ch'è vegnida fatga a moda secreta. Renzi ha sincerà che l'Italia possia uschia quintar cun relaziuns politicas stabilas suenter che la nova lescha va en vigur la stad 2016.
40% tanschan per survegnir la maiortiad absoluta
La nova lescha prevesa che ina partida che cuntanscha en l'emprim scrutin almain 40% da las vuschs, survegna regalà ulteriurs 15%. Quai munta che questa partida avessia lura automaticamain la maioritad absoluta da 55%. Sche nagina partida cuntanscha ils 40%, lura dess quai ina elecziun da tagl tranter las duas partidas fermas.
RR novitads 20:00