Siglir tar il cuntegn

Header

Navigaziun

Purtret da muslims che fan oraziun giun plaun avant ina da las duas moscheas pertutgadas.
Legenda: Cun duas minutas da silenzi ha la Nova Zelanda commemorà las unfrendas da l'attatga terroristica da l'emna passada. Keystone
cuntegn

Exteriur Nova Zelanda ha commemorà unfrendas

Da las 13:32 fin las 13:34 è la vita en Nova Zelanda stada airi per duas minutas. Cun las duas minutas da silenzi ha l'entir pajais commemorà las unfrendas da l'attatga terroristica en duas moscheas a Christchurch.

Curt suenter l'ina e mesa da temp local aveva l'attentader attatgà avant in'emna l'emprima da las duas moscheas, durant l'uraziun dal venderdi. L'attentader sesa en arrest d'inquisiziun. Bleras Novzelandaisas han purtà venderdi in faziel da chau ord solidaritad per las unfrendas. Enturn differentas moscheas han persunas plinavant furmà chadainas durant l'uraziun dal venderdi.

Gievgia ha il pajais annunzià ch'i vegnia per immediat scumandà armas d'assagl ed armas mez automaticas.

RR novitads 06:00