Siglir tar il cuntegn

Header

Navigaziun

Jacinda Ardern, la primministra da la Nova Zelanda.
Legenda: Jacinda Ardern, la primministra da la Nova Zelanda. Keystone
cuntegn

Exteriur Nova Zelanda rinforza lescha d'armas

Suenter l'attatga terroristica sin duas moscheas cun 50 morts, ha la primministra, Jacinda Ardern, annunzià reglas pli severas per cumprar armas. Las mesiras concretas vegnian preschentadas ils proxims dis.

Las novas reglas duajan entrar en vigur uschè svelt sco pussibel, ha ditg Jacinda Ardern suenter ina sesida da crisa dal cabinet. Sia coaliziun saja en princip da perina da rinforzar la lescha d'armas. Ils detagls vegnian communitgads aifer ils proxims diesch dis.

Sustegn er dals populists

Er il minister da l'exteriur, Winston Peters, dal partenari da coaliziun populistic NZF, ha midà sia opiniun. Fin uss era el strict cunter rinforzar la lescha d'armas. Il mund saja però sa midà per adina. Perquai vegnian er las leschas a midar, ha ditg il minister. En la Nova Zelanda pon giuvenils da 16 onns posseder armas, suenter ch'els èn vegnids examindas.

Stritgà exposiziun d'armas

Ord respect per las unfrendas è la pli gronda exposiziun d'armas en la Nova Zelanda vegnida stritgada. Quella era previsa per la proxima fin d'emna.

RR novitads 06:00