Siglir tar il cuntegn

Exteriur Novas attatgas sin policists americans

Suenter il mazzament da plirs policists a Dallas ha quai danovamain dà acts da violenza cunter policists en pliras citads americanas.

Demonstrants a Saint Paul bloccheschan ina via.
Legenda: Demonstrants a Saint Paul bloccheschan ina via. Keystone

A Saint Paul en il stadi da Minnesota ha quai dà arrestaziuns a l'ur d'ina demonstraziun da defensurs dals dretgs civils. La polizia ha declerà via Twitter, ch'almain 3 policists sajan vegnids blessads.

Las forzas da segirezza hajan stgatschà ils demonstrants cun bumbas da fim. En la metropola San Antonio èsi para vegnì sajettà sin il quartier principal da la polizia en il center da la citad. Ina persuna suspectada saja vegnida arrestada.

RR novitads 08:00