Il president Gudni Johannesson haja acceptà sia proposta per elecziuns dal parlament anticipadas, ha ditg il prim-minister Bjarni Benediktsson. La coaliziun or da trais partidas è rutta dapart il venderdi, suenter che la pitschna partida «Futur cler» aveva communitgà da bandunar la regenza. Il motiv èn renfatschas cunter il bab dal primminister Benediktsson.
El è para s’engschà per ch’in um vegnia stritgà or dal register penal. Quel aveva onns a la lunga maltractà sia figliastra. Perquai era el vegnì chastià cun 5,5 onns praschun.
RR novitads 18:00