Siglir tar il cuntegn

Exteriur Novas protestas ad Istanbul

Suenter che la polizia ha arrestà plirs politichers e collavuraturs da la gasetta Cumhuriyet èn las protestas escaladas.

Duas dunnas fugian dal gas lacrimogen.
Legenda: Duas dunnas fugian dal gas lacrimogen. Keystone

Durant las protestas ad Istanbul hai dà charplinas tranter la polizia e plirs tschients adversaris da la regenza tirca. La polizia ha duvrà gas lacrimogen cunter ils demonstrants. Quai rapportan las agenturas. Las autoritads han arrestà sonda ulteriurs politichers da la partida pro-curda HDP. Plinavant han ellas decretà cumonds d’arrest cunter ils dus schefs da la partida ch’eran gia vegnids arrestads il di avant. Medemamain cunter collavuraturs da la gasetta da l’opposiziun “Cumhuriyet”.
Er en ulteriuras citads europeicas hai dà demonstraziuns cunter la regenza tirca. A Turitg han radund milli persunas demonstrà.

RR novitads 18:00