Da nov dastgan schurnalistas e schurnalists mintgamai tschentar be pli ina dumonda sch'els vegnan dumandads dal president. Quai ha declerà la pledadra da medias Sarah Huckabee Sanders. Sche Trump respundia a dumondas successivas decidia el. Tar violaziuns ston ils schurnalists far quint da perder l'accreditaziun.
Acosta turna en la Chas'alva
Avant aveva la Chas'alva puspè lubì al schefcorrespundent da la CNN, Jim Acosta, l'access a conferenzas da medias. Sin quai aveva la CNN retratg ses plant cunter la regenza. Avant stgars dus emnas era Acosta ed il president Trump vegnids en ils chavels durant ina conferenza da pressa. Sin quai era Acosta vegnì serrà ora da la Chas’alva.
RR novitads 6:00