Tenor studis actuals pon ils vaccins cunter il coronavirus da Pfizer/Biontech e da Moderna chaschunar fermas menstruaziuns. L’autoritad europeica da medicaments EMA recumonda uss da menziunar quest effect nungiavischà en la descripziun da la vaccinaziun.
Tar pliras dunnas saja la perioda suenter la vaccinaziun ida pli ditg e stada pli intensiva, scriva la EMA che sa basa sin plirs studis. Il malesser saja per gronda part be temporar e betg gravant. Tenor l’autoritad europeica da medicaments na datti nagins indizis ch’el haja in effect negativ sin la fertilitad.