Il servetsch secret american NSA duai avair tadlà giu la regenza giapunaisa. Quai mussan documents che la plattafurma da scuverta Wikilieaks ha publitgà.
I sa tractia da protocols da discurs registrads tranter divers uffizis giapunais. Vitiers dettia ina glista cun numers da telefons ch'èn vegnids tadlads giu. In dals numers è dal minister d'economia giapunais.
Era interpresas e responsabels da la banca naziunala giapunaisa sajan vegnids survegliads.
