Senza ina regenza che funcziunescha na po ins betg midar quai, ha ditg Kobler en in'intervista cun la gasetta Welt am Sonntag. Sulettamain en l'emprim quartal dal 2016 sajan partids gia 24'000 persunas davent da la Libia vers l'Europa, e quai, malgrà ch'il viadi saja pli grev e malsegir durant l'enviern.
I na sa lascha betg midar
Ch'i dettia dapli migrants da la Libia l'onn 2016 en l'Europa na sa laschia betg midar pli. Uschè ditg ch'i na dettia nagina regenza che funcziunia en la Libia, na possian ins far nagut encunter l'emigraziun., ha ditg Kobler. Dapi la mort dal dictatur Muammar al-Gaddafi l'onn 2011 regia in grev conflict en il pajais nordafrican. Diversas milissas e duas regenzas concurrentas cumbattan per la pussanza.
RR novitads 9:00