En il Jemen han dronas americanas mazzà in dals schefs da l'organisaziun terroristica Al-Kaida. Entant ha la Al-Kaida jemenita confermà ils rapports da la televisiun americana CNN.
Mort tar las attatgas cun dronas en il Jemen da l'ost è Nasser Al-Wahischi. Al-Wahischi valeva sco substitut da Aiman Al-Sawahiri e cunquai sco nummer 2 da la Al-Kaida. Plinavant è Al-Wahischi stà secretari privat dad Osama Bin Laden.
Successur è gia nominà
Il successur da Al-Wahischi daventa Kasim Al-Rimi. Fin qua era Al-Rimi schef dal militar da la Al-Kaida jemenita.
