Siglir tar il cuntegn

Exteriur Nummer dus da Al-Kaida è mort

En il Jemen han dronas americanas mazzà in dals schefs da l'organisaziun terroristica Al-Kaida. Entant ha la Al-Kaida jemenita confermà ils rapports da la televisiun americana CNN.

Nasser Al-Wahischi
Legenda: Suenter che Al-Wahischi era fugì d'in stabiliment d'arrest il 2006 è el vegnì a la testa da la Al-Kaida. Keystone

Mort tar las attatgas cun dronas en il Jemen da l'ost è Nasser Al-Wahischi. Al-Wahischi valeva sco substitut da Aiman Al-Sawahiri e cunquai sco nummer 2 da la Al-Kaida. Plinavant è Al-Wahischi stà secretari privat dad Osama Bin Laden.

Successur è gia nominà

Il successur da Al-Wahischi daventa Kasim Al-Rimi. Fin qua era Al-Rimi schef dal militar da la Al-Kaida jemenita.

RR novitads 11:00