Siglir tar il cuntegn

Header

cuntegn

Exteriur «Nus na vulain betg daventar il champ da fugitivs da l’UE»

Quai ha ditg il primminister croat, Zoran Milanovic. Il pajais na possia betg s’occupar d’ulteriurs fugitivs e perquai hajan ins serrà 7 ad 8 cunfins. Uss ha la Croazia cumenzà a transportar fugitivs vers l'Ungaria.

La Croazia na veglia betg daventar il champ da fugitivs da l’Uniun europeica. Quai aveva ditg Milanovic. Il pajais na possia betg s’occupar d’ulteriurs fugitivs e perquai hajan ins serrà 7 ad 8 cunfins.

Milanovic ha pretendì dals ulteriurs stadis da distgargiar la Croazia. Ils ultims dis sajan arrivads passa 13’000 fugitivs en il pajais. Tschients da fugitivs emprovian da surpassar il cunfin tranter la Croazia e la Slovenia. Las autoritads slovenas han interrut il traffic da tren tranter la Croazia e la Slovenia.

Critica da l'UE

La Cumissiun da l'UE crititgescha che la Croazia vul transportar fugivitvs vers l'Ungaria. Tenor ina pledadra da la Cumissiun na saja quai betg confurm a las reglas da l'UE da laschar viagiar vinavant ils fugitivs senza registrar els.

RR novitads 14:00 / 18:00 / 20:00

Artitgels legids il pli savens