Siglir tar il cuntegn

Header

Destrucziun totala ad Aleppo suenter in'attatga ord l'aria. In auto stat en flommas amez las ruinas.
Legenda: Las attatgas ad Aleppo cuntinueschan. Keystone
cuntegn

Exteriur Obama e Merkel èn dal medem maini

Il president american Barack Obama e la chanceliera tudestga Angela Merkel han ditg - suenter avair telefonà ensemen - che las attatgas sirianas e russas sin la citad d’Aleppo sajan barbaras.

Obama e Merkel èn dal medem maini: Las attatgas ord l'aria sin la citad Aleppo hajan dimensiuns barbaricas. Las regenzas da la Siria e da la Russia portian ina responsabladad speziala pertutgant la pasch en Siria. En la part dal ost da la citad d’Aleppo vivian plirs 100'000 civilists. Bun la mesadad da quels sajan uffants, han ditg Obama e Merkel.
Ils Stadis Unids han annunzià che la cooperaziun diplomatica cun la Russia davart in nov armistizi en Siria saja seriusamain en privel. Il minister da l'exteriur american John Kerry ha schizunt ditg ch'ins saja curt avant da terminar ils discurs. En vista a las attatgas sin Aleppo sajan tals discurs irraziunals.

RR novitads 6:00

sda/sc

Artitgels legì il pli savens

Nach links scrollen Nach rechts scrollen