En in telefonat ha il president american Barack Obama engrazià al schef dal Kreml, Wladimir Putin per ses engaschi. Quai ha la Chasa Alva a Washington communitgà. Omadus presidents hajan ludà la cunvegna sco pass istoric ch'impedeschia Teheran da construir ina bumba d'atom.
Wladimir Putin e Barack Obama sajan plinavant sa cunvegnids da restar vinavant en stretg contact, er sche la cunvegna vegnia realisada. Medemamain veglian ins collavurar per mitigiar il conflict en la Siria.
RR novitads 07.00