Obama metta en ses veto cunter pipeline

En ils Stadis Unids ha il president Barack Obama mess en ses veto cunter ina lescha che duai pussibilitar la construcziun d'ina pipeline dispitaivla. Questa lescha era vegnida approvada da la maioritad republicana en il congress.

Il president american Barack Obama vi dal discurrer. Bild in Lightbox öffnen.

Legenda da maletgs: Per la terza giada en sia carriera sco president american metta Obama en ses veto. Reuters

Cun la pipeline planisada duai vegnir transportà ieli che vegn explotà en il Canada a travers ils Stadis Unids enfin al Golf dal Mexico. Ils republicans speran ch'i vegn stgaffì novas plazzas cun quest project da milliardas.

Plinavant duain ils Stadis Unids vegnir pli independents dals imports d'ieli dal Proxim Orient.