Obama metta sut protecziun parts da l'Arctica e l'Atlantic

Ensemen cun ses collega canadais Justin Trudeau ha il president american bloccà il territori per novs sondagis da gas ed ieli.

Carta da la mar arctica davant Canada. Bild in Lightbox öffnen.

Legenda da maletgs: Canada vul proteger la cumpletta mar arctica che tutga tar lur pajais. Google maps

Carta d'Alasca cun scrit si en il nord las duas mars. Avrir maletg en lightbox.

Legenda da maletgs: Las duas mars en il nord d'Alasca duain vegnir protegidas da furar ieli. Google maps

Tenor la Chas'alva vulan ins proteger uschia ils sistems ecologics singulars, sco era ils interess dals pievels indigens. Bloccà èn la «Tschuktensee» e la mar «Beaufort» da la vart dals Stadis Unids e la cumpletta mar arctica da vart da Canada.

Il privel da contaminar l'ambient cun ieli duai uschia vegnir minimà. Obama vul era bloccar diversas parts a la costa da l'ost da l'USA. Davent dal cunfin al nord enfin giu a Virginia. Lizenzas gia en funcziun duain dentant betg esser pertutgadas.

Per il scumond ha Obama fatg diever d'ina lescha dals onns 50. Ses successur Donald Trump aveva annunzià da tschentar ils interess da l'industria dad ieli en il center. El n'ha dentant strusch pussaivladads da revocar il pass che Obama ha fatg.

RR novitads 06:00