Exteriur - Obama restrenscha equipament militaric da la polizia
Il president american Barack Obama metta cunfins a la militarisaziun da la polizia. En l'avegnir na dastgan policists uschia betg pli duvrar vehichels spezials che fan frunt ad explosiuns.
Il diever da tals vehichels e da scuts da protecziun stoppian vegnir argumentads, ha annunzià Obama. L'ultim temp saja vegnì cler co che l’equipament militar possia transmetter in fauss messadi a la populaziun.
La polizia en ils Stadis Unids è vegnida sut pressiun suenter che pliras persunas afro-americanas èn vegnidas mazzadas da policists. En blers stadis aveva quai dà protests e cravals.
