Siglir tar il cuntegn

Header

cuntegn

Exteriur Obama rinforza finamiras per il clima

Il president american Barack Obama vul oz preschentar sia iniziativa en il cumbat cunter la midada dal clima. Ils puncts centrals da quella èn gia vegnids enconuschents. Tenor las novas reglas ston las ovras electricas reducir lur emissiun per 32% fin il 2030, uschia rapporta la «New York Times».

Daventian questas finamiras realitad, lura stuessan pliras 100 ovras da charvun serrar lur portas, uschia la gasetta. Obama sez discurra dal pli grond ed impurtant pass ch'ils Stadis Unids hajan insacura fatg. La midada dal clima na saja betg da snegar.

Clean Power Plan - il plan per energia schubra

Il «Clean Power Plan» vegnia per l'emprima giada a definir, quant fitg ch'implants dastgan maximalmain tschufragnar l'aria. Implants sajan «la pli gronda singula funtauna» nuschaivla per il clima, uschia il president.

En ils Stadis Unids na datti fin uss betg reglas naziunalas per limitar l'emissiun da gas cun effect da serra. Tenor Obama vegnia quai però bainprest a sa midar.

RR novitads 07:00

Artitgels legids il pli savens