Siglir tar il cuntegn
Inhalt

Exteriur Obama sa regorda da las unfrendas dal terror a Paris

A Paris ha il president american Barack Obama commemorà il glindesdi a bun’ura las unfrendas da las attatgas da terror dals 13 da november.

Er auters participants da la conferenza dal clima vulan sa regurdar da las unfrendas.
Legenda: Er auters participants da la conferenza dal clima vulan sa regurdar da las unfrendas. Keystone

Ensemen cun il president franzos François Hollande e cun la presidenta da la citad Anne Hidalgo ha Obama visità il club da musica «Bataclan», in dals lieus da las attatgas. Ensemen han els mess giu flurs al lieu.

Gia avant l’arrivada dals 2 presidents avevan blers policists segirà spaziusamain il Boulevard Voltaire avant il Bataclan. Dapi ils attentas regia en Frantscha il stadi d’urgenza.

Obama sa chatta a Paris per sa participar a la conferenza davart il clima che cumenza oz.

RR novitads 06:00