Exteriur - OECD fa quitads pervi da la midada dal clima
La politica da clima dals stadis da l’OECD da fin qua na tanschan tenor calculaziun da l'organisaziun betg per limitar ch’il clima sa stgaudia per maximalmain 2 grads.
Perquai stoppia la reducziun necessaria d'emissiuns che fan donn al clima vegnir accelerada marcantamain, pretenda l’OECD en in nov studi.
Blers dals pajais examinads dovrian per la producziun d'energia anc adina surtut materia fossila. Uschia haja la sortida da l'energia atomara planisada en Germania per exempel effectuà ch'i vegn duvrà dapli charvun.
