Siglir tar il cuntegn

Header

Schuldada afgana ed americana ch'entran in transporter.
Legenda: La notg sin dumengia hai dà ina offensiva da l'armada afgana cunter ils talibans. Keystone
cuntegn

Exteriur Offensiva cunter ils talibans en Afganistan

L'armada ha cumenzà ina nova offensiva cunter ils talibans radicals. Quai cun il sustegn da l'aviatica militara americana. Dunsainas da talibans sajan vegnids mazzads tar l'operaziun en la provinza da Orusgan, ha ditg in pledader da la regenza da la provinza a l'agentura da novitads afp.

Da la vart dal stadi sajan da deplorar 13 morts e 20 blessads sco in pledader da la regenza da la provinza fa a savair. L'offensiva era vegnida lantschada la notg sin dumengia per chatschar enavos ils talibans ord il conturn da la chapitala da la provinza Urusgan.

La chapitala da la provinza pertutgada è bloccada dapi mais. Tar in' attatga dals talibans la gievgia passada eran blers civilists fugids.

Ils talibans schlargian pil mument lur offensiva da stad encunter las autoritads afganas. L'armada da l'Afganistan ha surpiglià la responsabladad da segirtad cumplettamain da las truppas internaziunalas l'entschatta dal 2015. Per il mument sa chattan anc 13'000 schuldada da la Nato, ils blers dals Stadis Unids, en l'Afganistan. Quels èn en funcziun sur tut per scolar e cussegliar il persunal afgan.

RR novitads 09:00

sda/li

Artitgels legì il pli savens

Nach links scrollen Nach rechts scrollen