Siglir tar il cuntegn

Header

Navigaziun

Purtret dal sultan.
Legenda: Il sultan da Brunei Hassanal Bolkiah ha introducì la scharia en il pajais. Keystone
cuntegn

Exteriur Omosexuals a Brunai ston temair paina da mort

En il sultanat da Brunei ston omosexuals e persunas che sa laschan sparter en l'avegnir temair da la paina da mort. La nova lescha penala pli severa è dapi oz en vigur.

Tenor la nova lescha smanatscha la mort entras encrappada. Plinavant ston er laders quintar ch'i vegnia amputà ad els ils mauns u las chommas. Basa per la nova lescha è la scharia, quella reglescha en il senn il pli vast las normas religiusas e legalas da l'islam.Passa dus terzs dals 420'000 abitants da Brunei èn muslims. Dapi in tschert temp s'avanzan forzas conservativas da l'islam en il pajais.

Las Naziuns Unidas aveva appellà al pajais asiatic da betg introducir las midadas. Quellas sajan in grond pass enavos per ils dretgs umans.

RR novitads 14:00