«One World: Together at Home» - Concert da benefizi global

Per onurar il persunal da la branscha da sanadad en il cumbat cunter il coronavirus datti la fin d'emna in concert da benefizi global via livestream. Sut il titel «One World: Together at Home» ha Global Citizen ensemen cun la WHO organisà l'occurrenza en l'internet. Dà tiers han tranter auter ils Rolling Stones, Celine Dion, John Legend, Elton John, Paul McCartney ed Andrea Bocelli. Da vesair è il concert en las medias socialas u sin la pagina d'internet da la WHO.