Exteriur - ONU condemnescha las attatgas en la Libia
Il secretari general da l'ONU, Ban Ki Moon, ha condemnà las attatgas sin polizists ed indrizs dad ieli en la Libia. Questas acziuns criminalas admoneschian, quant impurtant ch'i saja da realisar il plan da pasch.
Questa violenza mussia l'impurtanza d'in plan da pasch e da furmar ina regenza d'unitad naziunala, ha ditg in pledader dal secretari general da l'ONU, Ban Ki Moon.
Almain 70 persunas eran mortas tar in'attatga cun bumbas sin ina scola da polizia en la Libia dal vest. Fin uss n'ha nagin declerà d'avair fatg las attatgas.
