Tenor il coordinatur da l'ONU manchian almain 415 milliuns dollars. Enfin ussa hajan ins sulettamain survegnì 22 milliuns. La communitad internaziunala stoppia far dapli sforzs per ch'ins possia cuntinuar la lavur.
Suenter il grev terratrembel en il Nepal dals 25 d'avrigl èn mortas almain 7’900 persunas. Radund 16’000 èn vegnidas blessadas. Las autoritads stiman che bunamain 300’000 chasas èn vegnidas destruidas cumplettamain dal terratrembel.
RR novitads 10:00