Siglir tar il cuntegn

Header

cuntegn

ONU Emprima giada datti in budget per examinar crims da guerra

Il secretariat general da la ONU survegn per l'emprima giada in budget per examinar eventuals crims da guerra en la Siria e la Burma. La radunanza plenara da l’ONU ha approvà il budget da trais milliardas dollars, che prevesa da nov era quels dus posts.

En la Siria vul ins examinar ils crims ch’èn vegnids commess dapi l’entschatta da la guerra civila avant otg onns. En la Burma vai per l’oppressiun e l’expulsiun dals Rohingya dapi il 2017. Els èn ina minoritad en il pajais. Plinavant èsi planisà d'instradar ina missiun d'observaziun en il Jemen.

Cunzunt la Russia è stada cunter

Siria, Myanmar, Corea dal Nord, Iran, Nicaragua, Venezuela e cunzunt la Russia han empruvà da far dar en l'aua ils plans per il budget. La Russia ha fatg bleras propostas da modifitgar il budget. Quellas èn per gronda part vegnidas refusadas.

RTR novitads 15:00

Artitgels legids il pli savens

Ir a sanester Ir a dretg