Siglir tar il cuntegn

Header

cuntegn

Exteriur ONU preoccupada davart bumbas da fragmentaziun en il Jemen

Il secretari general da l'ONU, Ban Ki Moon, è preoccupà pervi da las bumbas da fragmentaziun utilisadas en il Jemen. El haja infurmaziuns che la coaliziun militara da l'Arabia Saudita haja bittà talas bumbas a Sanaa.

Il diever da bumbas da fragmentaziun en regiuns populadas ferm possian ins interpretar sco crim da guerra, uschia Ban Ki Moon. Quai pervi da lur caracter arbitrar. Tenor ina cunvegna internaziunala èn bumbas da fragmentaziun banidas a nivel internaziunal. Ma ni l'Arabia Saudita ni ils Stadis Unids han suttascrit ella.

Coaliziun militara araba snega da duvrar bumbas da fragmentaziun

La coaliziun militara araba che sgola dapi la fin da mars attatgas ord l'aria sin ils rebels da Huthi en il Jemen, snega da duvrar bumbas da fragmentaziun. Il pledader da l'allianza ha ditg a l'agentura AFP ch'els contestian d'avair duvrà talas bumbas a Sanaa.

RR novitads 11:00

Artitgels legids il pli savens