L'ONU pretenda perquai immediat access liber tar tut quels che pateschan. Sulettamain en la citad da Taizz èn 200'000 persunas tschincladas e privadas da scadin agid. Las partidas da cunflict duain acceptar la neutralitad da las Naziuns Unidas e laschar gidar la populaziun, ha ditg il coordinatur da l'ONU per l'agid d'urgenza en il Jemen, Jamie McGoldrick. La coaliziun militara sut l'egida da l'Arabia Saudita ed il rebels da Huthi cumbattan gia dapi mais per la terz gronda citad dal pajais.
L'ONU quinta che radund 6'000 persunas sajan mortas tar attatgas aviaticas e cumbats sin terra dapi il mars passà. Tranter quests sajan 2'700 civilists. Ultra da quai sajan passa 20'000 persunas vegnidas blessadas.
RR novitads 10:00