Pliras fossas grondas sajan vegnidas chattadas en l’Irac, cunzunt en territoris che vegnivan controllads dal Stadi Islamic e ch’èn uss els mauns da las truppas iracaisas.
En ina da las fossas grondas sa chattavan tenor il rapport 377 baras. Però derivia ina part da las fossas dal temp dal dictatur Saddam Hussein; ellas èn uschia pli veglias.
Bunamain 19'000 unfrendas civilas da schaner fin october 2015
Las Naziuns Unidas na crititgeschan betg mo il Stadi Islamic, er las truppas da la regenza sco er milissas, tranter auter ils cumbattants curds Peschmerga, commettian per part crims cunter l’umanitad. Intgins da quests crims sajan eventualmain genocids.
En tut sajan 18’802 civilists vegnids mazzads e passa 36’000 blessads tranter schaner ed october 2015, scrivan las Naziuns Unidas en lur rapport.
RR novitads 12:00