Siglir tar il cuntegn

Header

cuntegn

ONU Var 20’000 damain fugitivs che l'onn avant

Tranter il schaner ed il settember 2019 èn passa 80’000 fugitivs e migrants vegnids sur la Mar Mediterrana en l’Europa. Cun empruvar da traversar la mar sajan 1’041 persunas mortas u anc adina sparidas. Quai scriva l'Autcumissariat da l’ONU per ils fugitivs en in rapport. Uschia han bler pli paucas persunas ristgà la fugia sur la Mar Mediterrana l'onn current. Tranter il schaner ed il settember 2018 èn tenor l'ONU vegnids 102'000 fugitivs cun la nav en l'Europa

Damain en l'Italia – dapli en la Grezia

Il pli ferm, per bunamain dus terz, è il dumber da fugitivs sa sminuì en l'Italia. Suenter che quai eran 21’000 dal schaner fin il settember 2018, eran quai quest onn anc var 7’600. En la Spagna è il dumber sa reducì per 46% sin 23'200 arrivads. En la Grezia percunter èn quest onn arrivads dapli fugitivs che l'onn avant. Totalmain eran quai 46'100 (l'onn avant 37'300) fugitivs.

Ruta fitg privlusa

La ruta da la Libia vers l’Europa è tenor l’ONU anc adina la pli privlusa. Là èn mortas bunamain 63% da las unfrendas da la Mar Mediterrana. 58% da las persunas che han bandunà la Libia sur la Mar Mediterrana èn tenor l'ONU puspè vegnids transportads enavos.

Ord l'archiv

Dapi l’onn 2015 datti adina pli paucas dumondas d’asil en Svizra. Dentant sin l’entir mund datti adina dapli fugitivs. Daco vegnan quels pia betg en Svizra?

Video
Nua èn ils fugitivs?
Or da Nouvo RTR dals 13.05.2019.
laschar ir

RR novitads 06:00