Siglir tar il cuntegn

Header

cuntegn

Exteriur ONU vul puspè furnir rauba d'agid en Siria

Il minister da l'exteriur american, John Kerry pretenda dentant in scumond da sgular en regiuns nua che convois d'agid èn sin via.

Trais dis suenter l'attatga sin in convoi d'agid da l'ONU en il nord da la Siria vul l'Organisaziun da las Naziuns Unidas cuntinuar cun l'agid a la populaziun civila en la Siria. Tranter auter vul ella furnir rauba en la regiun enturn la chapitala Damaskus. Glindesdi era in convoi d'agid da l'ONU vegnì attatgà en il nord da la Siria. Almain 20 persunas èn mortas durant l'attatga e 18 camiuns èn vegnids destruids.

Il minister da l'exteriur american, John Kerry, ha uss appellà al Cussegl da segirezza da l'ONU d'ordinar in scumond da sgular per las regiuns, nua che convois d'agid èn sin via.

RR novitads 6:00

Artitgels legids il pli savens