Il premi d'onur vegn surdà per renconuscher lur visiun e lur curascha d'agir cun meds legals cunter las pussanzas, quai communitgescha la fundaziun Right Livelihood Award.
Premis van en il Canada, l'Uganda e l'Italia
-
La fundaziun surdat ils premis Nobel alternativs 2015 a trais persunas che partan la summa da premi da radund 320'000 euros. La giuria onurescha Sheila Watt-Cloutier dal Canada per ses engaschi nunstunclentaivel per ils Inuit e per mantegnair lur basa da viver ch'è periclitada da la midada dal clima.
Legenda: Sheila Watt-Cloutier Stephen Lowe
-
Sco segunda persuna vegn onurada Kasha Jacqueline Nabagesera da l'Uganda che s'engascha per ils dretgs da persunas homosexualas, bisexualas, transgendras ed intersexualas.
Legenda: Kasha Jacqueline Nabagesera Christine Dierenbach
-
Il Talian Gino Strada, il confundatur da l'organisaziun Emergency, survegn il premi per stgaffir l'agid d'urgenza medicinal e chirurgic per las unfrendas da conflictgs e malgistadad sco era per ses engaschi cunter las raschuns da guerra.
Legenda: Gino Strada emergency
RR novitads 11:00