Ils Stadis Unids vulan sa retrair d'ina ulteriura cunvegna internaziunala – l'uschènumnada cunvegna militara dals «Open Skies – Tschiels averts» per survegliar ils spazi aviatic. La raschun saja che la Russia na sa tegnia betg vi da la cunvegna. Quai communitgescha la Chas'alva a Washington. La cunvegna lubescha tranter auter sgols da controlla vicendaivels en il spazi aviatic dals partenaris da cunvegna.
Critica internaziunala per plan da Trump
La sortida dals Stadis Unids ord la cunvegna davart la surveglianza dal spazi d'aria, l'uschenumnà «Open Skies», ha chaschunà critica internaziunala. Ins deploreschia la decisiun, pertge che quest contract saja in element decisiv per svegliar fidanza. Quai scrivan la Germania, la Frantscha, l'Italia ed auters pajais da l'UE en ina communicaziun communabla. La Russia crititgescha che la segirezza internaziunala vegnia uschia vinavant reducida.