Per in bigliet empustà en l'internet èsi da pajar fin 300 euros. Pervi da scursanidas da contribuziuns statalas dependa La Scala adina dapli da sponsurs privats sco er da las entradas da la vendita da bigliets, scriva la revista.
Il cussegl da surveglianza da la Scala aveva cumandà il november passà als responsabels da restrenscher las expensas. La situaziun finanziala da la chasa d'opera saja bain solida, grazia al sustegn da persunas privatas, ma il privel che las contribuziuns statalas davart da la regenza, la regiun Lombardia e la vischnanca da Milaun vegnan a sa sbassar vinavant saja grond.
RR novitads 10:00