Siglir tar il cuntegn
Inhalt

Exteriur Opposiziun conservativa gudogna elecziuns en Croazia

En la Croazia ha l’opposiziun conservativa gudagnà las elecziuns, quai mussan ils resultats uffizials.

Il schef da l'opposiziun, Tomislav Karamarko.
Legenda: Il schef da l'opposiziun, Tomislav Karamarko, fa viva sin la victoria da la coaliziun patriotica. Keystone

La coaliziun patriotica vegn uss sin 59 mandats en il parlament che ha totalmain 151 sez, annunzia la cumissiun electorala a Zagreb. La coaliziun dals socialdemocrats e dal center politic dal schef da regenza Zoran Milanovic cuntanscha 56 mandats.

Il manader da l’opposiziun, Tomislav Karamarko, è sa mussads sco victur da las elecziuns. Terza forza daventa la nova partida «Most» che vegn sin 19 sezs.

Elecziuns èn influenzadas da crisa da fugitivs e d'economia flaivla

Il cumbat electoral è stà influenzà da la crisa da fugitivs e da la flaivla situaziun economica. Ils conservativs han annunzià reglas pli strictas per fugitivs. Dapi la fin settember han bunamain 350'000 fugitivs traversà il pajais. La Croazia ha da sbatter cun ina dischoccupaziun da 16,2%.

RR novitads 06:00