Siglir tar il cuntegn

Header

cuntegn

Exteriur Opposiziun gudogna elecziuns en Venezuela

Suenter 16 onns maioritad socialistica en la Venezuela ha l'opposiziun conservativa gudagnà las elecziuns. Tenor la cumissiun electorala cun almain 99 dals total 167 mandats.

«Jau accept il resultat», la construcziun dal president venezolan Nicolas Maduro che munta grondas midadas en la politica da la Venezuela. Immediat suenter la publicaziun dals resultats tras il cussegl electoral ha Maduro uschia concedì la terrada.

Opposiziun conservativa cun maiortiad clera da 59%

Avant aveva la presidenta dal cussegl electoral naziunal, Tibisay Lucena, communitgà che la allianza opposiziunala «Mesa de la Unidad Democratica» ha almain 99 dals 167 mandats. Quai munta ina maioritad clera da bun 59% per l'opposiziun.

Allianza socialistica regenta cun 28%

Il bloc da la regenza «Oficialismo» cun la partida socialistica e sia allianza subescha cun quai ina terrada pitra. Il president Nicolas Maduro è ussa dependent da cumpromiss cun l'opposiziun en las fatschentas statalas. Ils Socialists han tenor il cussegl electoral fin ussa mo 46 mandats (28%).

RR novitads 07:00

Artitgels legids il pli savens