Siglir tar il cuntegn

Header

Purtret da Viktor Orban durant ses pled.
Legenda: Viktor Orban defenda la politica da fugitivs. Keystone
cuntegn

Exteriur Orban crititgescha la «sovietisaziun» da l'Europa

Il primminister da l'Ungaria Viktor Orban ha defendì sia politica da fugitivs rigurusa tar ina festa commemorativa en regurdientscha a las revoltas dal 1956 en l'Ungaria.

Suenter las festivitads davant il parlament èn plirs millis aderents da la regenza cumparids. In pèr tschient cuntrademonstrants però han tschivlà or Viktor Orban. Criticers rinfatschan ad el da decumponer la democrazia ed uschia er ch'el ridiculiseschia las revoltas dal 1956 cunter l'Uniun sovietica.

La revolta cunter la regenza da Stalin

Ils 23. d'october 1956 aveva l'Ungaria entschet ina revolta cunter la regenza da Stalin. Mo duas emnas suenter è questarevolta vegnida terrada a moda violenta da las truppas sovieticas. Il manaders da la revolta èn vegnids executads, praschunads u sfurzads d'emigrar.

Defensiun da la politica da fugitivs

L'Ungaria sa defenda cun tutta forza encunter il plan da l'Uniun europeica da reparter ils fugitivs tenor quotas liantas. Orban sentenziescha che l'UE giaja adina la via simpla. Ses pajais stoppia sa defender cunter la sovietisaziun da l'Europa.

RR novitads 09:00

Artitgels legids il pli savens

Scrollar a sanestra Scrollar a dretga