Exteriur - Ouattara resta president da la Costa d'Ivur
Er ils proxims 5 onns è Alassane Ouattara president da la Costa d'Ivur. Il titular da l'uffizi ha survegnì dumengia passada 84% da las vuschs. Quai ha la BBC rapportà oz, sa referind sin la cumissiun electorala. Ouattarà era il cler favorit.
L'antecessur d' Ouattarà, Laurent Gbagbo sto sa responsar avant il tribunal penal a Den Haag pervi da crims cunter l'umanitad. El n'aveva betg acceptà l'elecziun da Ouattarà il 2010. Suenter avevi dà mais a la lunga grevs tumults cun enturn 3000 morts.
